Мачката Ванхојте распали за рекет: Повторно правдата во Македонија е поткопана, да се судат сите што учествувале

353
loading...

Белгискиот експерт Питер Ванхојте, кој беше ангажиран во процесот на преговори за Договорот од Пржино, во врска со случајот на Јавното обвинителство наречен „Рекет“, преку статус на Фејсбук повикува дека доколку се утврди дека имало злоупотреба на моќта, луѓето што биле вмешани во тоа, треба да се осудат, но најпрвин да се запрат шпекулациите.

Според него, што и да се случило во Канцеларијата на специјалниот јавен обвинител, важно е да се запрат сите шпекулации и да им се дозволи на обвинителите да ја вршат својата работа.

,,Анализирајќи го она што се случува, моето прво прашање е: зошто ова наеднаш излегува на површината? Кој стои зад тоа? Дали Катица Јанева допре до некои луѓе кои веруваа дека се недопирливи и се над законот? Како одговор на ова „во чиј интерес е ова да се случува“, можев да обезбедам долга листа имиња, но тоа нема да и помогне на земјата да тргне напред”, напиша Ванхојте.

Тој оценува дека една работа е јасна, а тоа е дека политичарите повторно ја збркаа работата и наместо да гарантираат непристрасно и независно судство, политичарите од сите партии продолжија со нивните лични борби и заборавија, како што рече, на правилната имплентација на основните демократски принципи, како што е поделба на моќта и потребата од независно судство.

,,Тоа докажува дека има уште многу пат да се изоди. Можам само да се надевам дека граѓанското општество повторно ќе се разбуди и ќе бара да бидат почитувани демократските вредности, дури и од страна на политичарите. И најпосле, што и да се случи, истрагите со прислушуваните разговори мора да продолжат. Тоа е товар од минатото, но никој не треба да заборави што се случи, и оние кои беа вклучени во тоа, вклучувајќи го и Груевски, се соодветно судени и на крајот и осудени.

И ЕУ и Орбан треба да бидат свесни дека никој не може да даде азил на ваква личност, и во исто време да бара од Северна Македонија да го почитува владеењето на правото. Затоа и ова треба да се исправи!”, вели Ванхојте.

loading...
You might also like