Русите ја превземаат целата административна контрола во неколку региони во Украина
Руските окупатори ги зазедоа сите административни згради во градот Бердјанск, регионот Запорожје. Ова го соопшти в.д градоначалникот Олександр Свидло.
– До последен момент бев на работното место во зградата на извршниот комитет. Заедно со оперативниот штаб управувавме и ја координиравме работата на сите комунални претпријатија кои обезбедуваат егзистенција на нашиот роден град.
Според Свидло, вооружени војници влегле во зградата на извршниот комитет и се претставиле како руска армија. Тие изјавија дека сите административни згради се под нивна контрола.
– Ни беше понудено да продолжиме со нашата работа, но под контрола на вооружени луѓе. Овој предлог го сметам за неприфатлив, затоа ја напуштивме зградата на извршниот комитет како член на оперативниот штаб, но продолжуваме да работиме и да ја координираме работата на оперативниот штаб од далечина.
Вршителот на должноста градоначалник ги замоли сите жители на Бердјанск да останат во засолништата ноќе.